സ്നേഹസന്ദേശം എവിടെ? കണ്ടവരുണ്ടോ?

യു കെ യില്‍ നിന്നും ലോകമാനമുള്ള ക്നാനയക്കാരെ ഉദ്ധരിക്കുവനായി ഇറങ്ങികൊണ്ടിരുന്ന സ്നേഹസന്ദേശം എന്നാ മഞ്ഞ പത്രത്തിനെ കാണ്മാനില്ല. അമേരിക്കന്‍ ക്നാ എന്ന മൂന്നാം കിട ഗ്രൂപ്പിന്റെ വക്താക്കളായി, ഓരോ തവണ ഇറങ്ങുമ്പോഴും അമേരിക്കന്‍ ക്നായിലൂടെ തന്നെ അമേരിക്കകരെന്റെ ഈമെയിലുകളിലൂടെ മേഞ്ഞു നടന്ന പത്രത്തിന്റെ അവസാന പ്രതി ഇറങ്ങിയത്‌ ഒക്ടോബറിലാണ്. അമേരിക്കന്‍ ക്നാ യുടെ കിങ്കരന്മാര്‍ക്ക് സഭയും എന്ടോഗമിയെയും പറ്റി വായില്‍ തോന്നുന്നത് കോതയ്ക്ക് പാട്ട് എന്ന രീതിയില്‍ എഴുതി അവതരിപ്പിക്കുവാന്‍ ഈ പത്രക്കാരന്‍ അവസരം കൊടുത്തിരുന്നു. ക്നാനായ എന്നാല്‍ എന്താണന്നോ , അതിനോടുള്ള സ്നേഹത്തിന്റെയും പ്രതിബദ്ധതയുടെയും ആവശ്യകതെയെ പറ്റിയുള്ള ഒരു അല്പം ചിന്തയോ ഇല്ലാത്ത ജന്മം കൊണ്ട് മാത്രം ക്നാനായക്കാരന്‍ ആവുകയും കര്‍മ്മം കൊണ്ട് കാനാ കാരനായി ജീവിക്കുകയും ചെയ്ത പത്രാധിപര്‍ എവിടെ പോയി എന്ന് ഒരു വിവരവുമില്ല. അദ്ദേഹത്തിന്റെ വെബ് സൈറ്റില്‍ ഇപ്പോഴും ഏറ്റവും ഒടുവിലത്തെ ലക്കമായി കൊടുത്തിരിക്കുന്നത്‌ ഒക്ടോബര്‍ മാസതിലെതാണ്. അമേരിക്കയിലെയും ക്യാനടായിലെയും എന്ടോഗാമി / പള്ളി വിരുദ്ധ എഴുത്തുകാര്‍ ഇനി എന്ത് ചെയ്യും? അഭയ കേസില്‍ കോട്ടയം രൂപതയെ തന്റെ ഊഹാപോഹങ്ങള്‍ കൊണ്ട് പ്രതിസ്ഥാനത്ത് നിര്‍ത്തി വളരെ മനോഹരമായ ലേഖനങ്ങള്‍ അദ്ദേഹം പബ്ലീഷ് ചെയ്തിരുന്നു. പിന്നീട് അല്‍മായരുടെ പേരില്‍ സഭയോടുള്ള യുദ്ധം പ്രഖ്യാപിക്കുന്ന തരത്തിലുള്ള ലേഖനങ്ങളും നിരവധിയായി ഈ മഞ്ഞപത്രതിലൂടെ പുറത്തു വന്നിരുന്നു. കാനാക്കാര്‍ നാട്ടില്‍ വച്ച് കോട്ടയം രൂപതയുടെ എന്ടോഗാമി ക്കെതിരെ നടത്തിയ റാലിയുടെ ബഹുവര്‍ണ്ണ പ്രത്യേക എഡിഷന്‍ ഇദ്ദേഹം പുറത്തിറക്കിയിരുന്നു. അത് കൂടാതെ കണ്ണാടി എന്ന ഏഷ്യ നെറ്റ് പ്രോഗ്രാമിലൂടെ കാനാക്കാര്‍ നടത്തിയ പെയ്ഡ് നാടകത്തിന്റെ യൂ ട്യൂബ് വീഡിയോ യും അദ്ദേഹത്തിന്റെ സൈറ്റിലൂടെ ലഭ്യമാക്കിയിട്ടുണ്ട്. ഇതും പോരാഞ്ഞിട്ടാണ്‌ അന്ന് കോട്ടയത്ത്‌ ക്നാനായക്കാരെ അധിക്ഷേപിക്കുവാനായി ഇറക്കുമതി ചെയ്ത ജസ്റ്റിസ് കെ ടി തോമസിന്റെ പ്രത്യേക ഇന്റര്‍വ്യൂ അദ്ദേഹം നടത്തുകയും പ്രസിദ്ധീകരിക്കുകയും ചെയ്തത്. ഇന്റര്‍വ്യൂ ല്‍ ഉടനീളം എന്ടോഗമിയെയും അവിവാഹിതരായ കത്തോലിക്കാ സഭയിലെ അച്ഛന്മേരെയും പറ്റി ചോദ്യങ്ങള്‍ ചോദിച്ചു പ്രത്യേകം അധിക്ഷേപങ്ങള്‍ ക്നാനായക്കാര്‍ക്കും കത്തോലിക്കാ സഭക്കും വാങ്ങികൊടുക്കുവാന്‍ അദ്ദേഹം ആത്മാര്‍ഥമായി പരിശ്രമിച്ചിരുന്നു . ഇങ്ങനെ ക്നാനായക്കാര്‍ക്ക് വേണ്ടി വളരെയധികം സ്തുത്യര്‍ഹമായ രീതിയില്‍ സേവനം ചെയ്യുന്നതിനിടയിലാണ് അദ്ദേഹത്തിന്റെ പത്രത്തിന്റെ പുതിയ ലക്കങ്ങള്‍ അപ്രത്യക്ഷംമായത്. പള്ളി വിരുദ്ധ ലേഖനങ്ങള്‍ക്കായി കണ്ണും നട്ടിരിക്കുന്ന അമേരിക്കന്‍ ക്നായ്ക്കും, പ്രസിടന്റ്റ് ഉള്‍പ്പടെയുള്ള കിങ്കരന്മാര്‍ക്കും ഇത് വളരെയധികം ബുദ്ധിമുട്ട് ഉണ്ടാക്കുന്നണ്ടായിരിക്കും.

എല്ലിന്‍ കഷണം : കാര്യങ്ങള്‍ ഇങ്ങനെയൊക്കെയാണെങ്കിലും പറയാതിരിക്കുവാന്‍ വയ്യ. സ്നേഹ സന്ദേശത്തിലൂടെ നല്ല ലേഖനങ്ങളും എഴുത്തുകളും ഉണ്ടായിട്ടുണ്ട്. മലബാര്‍ കുടിയേറ്റം , ക്നാനായ സമുദായത്തിലെ പ്രമുഖ വ്യക്തികള്‍ തുടങ്ങിയ വിഷയങ്ങളെ പറ്റി വന്ന ലേഖനങ്ങള്‍ മികവുറ്റതായിരുന്നു. അമേരിക്കന്‍ ക്നാ യുടെ വിഷം തീണ്ടി ആയിരിക്കണം ഒരു നല്ല പ്രസിദ്ധീകരണം തരം താഴ്ന്നു ഒരു മഞ്ഞ പത്രത്തിന്റെ നിലയിലേക്ക് കൂപ്പു കുത്തിയത്. വിഷം തീണ്ടിയതിന്റെ ഉദാഹരണമായിരുന്നു പത്രത്തില്‍ പള്ളി വിരുദ്ധ ലേഖനങ്ങള്‍ അമേരിക്കയില്‍ നിന്നും കയറ്റുമതി ചെയ്യുന്നതിന് പ്രത്യുപകാരമായി ഓരോ മാസത്തെയും ഏറ്റവും നല്ല ഈമെയിലിനുള്ള പ്രത്യേക അംഗീകാരം പത്രാധിപര്‍ കൊടുക്കുവാന്‍ തുടങ്ങിയത്. ഏര്‍പ്പെടുത്തിയതിനു ശേഷമുള്ള എല്ലാ ലക്കത്തിലും അമേരിക്കന്‍ ക്നാ പള്ളി വിരുദ്ധ ഈമെയി ലുകളുമായി അംഗീകാരം മേടിച്ചിരുന്നു.